Դոլարը փոքր-ինչ նահանջեց
«ՆԱՍԴԱՔՕԷՄԷՔՍ Արմենիա» բորսայում այսօր՝ մարտի 28-ին, դոլարի միջին փոխարժեքը կազմել է 418.85 դրամ ՝ երեկվա համեմատ էժանանալով 0.22%-ով կամ 0.9 դրամով։
Հիշեցնենք, որ դոլարի միջին բորսայական փոխարժեքը երեկ հասել էր ռեկորդային ցուցանիշի՝ 419.75 դրամի. պաշտոնական փոխարժեքը ավելի բարձր եղել էր 2006 թվականի հունիսին։
Դոլարի թուլացումն ըստ երևույթին պայմանավորված է ԿԲ ինտերվենցիայով։ Ի տարբերություն նախորդ օրերի, երբ վաճառվել էր 700 հազար և 900 հազար դոլար, բորսայում այսօր վաճառվել է 6 միլիոն 950 հազար դոլար։ Այդ ծավալից որ մասն է բաժին ընկնում ԿԲ-ին, պարզ կդառնա մի քանի օրից, երբ կհրապարակվեն ԿԲ գործառնությունների շաբաթական տվյալները։
Ուշագրավ է նաև այն, Կենտրոնական բանկը չի էլ ցանկանում միջամտել պրոցեսին։ Բորսայում վաճառվել է ընդհանուր առմամբ 900 հազար դոլար, այսինքն՝ ԿԲ-ն ինտերվենցիա (դոլարի առք կամ վաճառք) չի իրականացնում։ Ի դեպ, երեկ նույնպես բորսայում փոխարժեքը բարձրացել էր, իսկ բորսայում իրականացվել էր ընդամենը 700 հազար դոլարի առք և վաճառք։
Առևտրային բանկերն այս պահին դոլարը գնում են միջինը 418 դրամով, վաճառում՝ 421 դրամով
