Հուսով եմ՝ վերջապես կկարողանամ գրավել իտալական թիմի դարպասը. Մեսսի
«Բարսելոնայի» հարձակվող Լիենել Մեսսին կարծում է, որ Չեմպիոնների լիգայի 1/8 եզրափակչի պատասխան հանդիպումը «Միլանի» հետ իր թիմի համար կարող է դառնալ շրջադարձային:
«Վերջին պարտություններից մի փոքր նեղվել ենք, սակայն վհատված չենք: Պարտվել ոչ ոք չի սիրում, բայց դեռ ոչինչ կորած չէ: «Միլանի» հետ հանդիպումը հաղթական հունը վերգտնելու հրաշալի առիթ է:
Մեզ կօգնեն հարազատ տրիբունաները և հպարտության զգացումը: Իտալական ակումբներն աչքի են ընկնում կարգապահությամբ և հստակ պաշտպանությամբ, բայց մենք ունենք ամեն ինչ՝ «Միլանի» արգելքը հաղթահարելու համար: Հուսով եմ՝ վերջապես կկարողանամ գրավել իտալական թիմերի դարպասը»,-աշխարհի լավագույն ֆուտբոլիստի խոսքերը մեջբերում է Football Italia-ն:
Մարզական լրահոսն ապահովում է SportArmenia.com-ը
