Մեսսիի ձախ ոտքի ոսկե արձանը վաճառքի է հանվել 4 մլն եվրոյով (տեսանյութ)
Տոկիոյի հանրահայտ ոսկերչական սրահներից մեկում վաճառքի է հանվել «Բարսելոնայի» առաջատար Լիոնել Մեսսիի ձախ ոտքի ոսկե արձանը: Նախնական գինը սահմանվել է 4 մլն եվրո: Այս մասին հայտնում է կատալոնական Sport պարբերականը:
Մեսսիի ոտքի արձանը, որը պատրաստված է իրական չափերով և կշռում է 25 կգ, վաճառվում է Harajuku Quest Hall ոսկերչական սրահում: Նրա ներկայացմանը հրավիրվել էր նաև ֆուտբոլիստի եղբայր Ռոդրիգո Մեսսին:
«Պարզապես անհավանական է, որ կարելի է պատրաստել Լեոյի ոտքին այդքան նման արձան: Շատ հպարտ եմ, որ նա իմ եղբայրն է: Լեոն չի դադարում զարմացնել մեզ: Նա ֆանտաստիկ մարդ է, ով երջանկություն է պարգևում մեզ», – նշել է Ռոդրիգոն:
Մարզական լրահոսն ապահովում է SportArmenia.com-ը
