Արամ Տեր-Թովմասյանը՝ Շիրակի մարզպե՞տ
ՀՀ նախագահի ընտրություններից օրեր անց Շիրակի մարզպետ Աշոտ Գիզիրյանը հրաժարականի դիմում էր ներկայացրել, որը ՀՀ կառավարությունը հաստատել էր: Աշոտ Գիզիրյանի հրաժարականը շատերը կապում էին նախագահական ընտրություններում նախագահ Սերժ Սարգսյանի՝ Շիրակում ստացած քիչ ձայների հետ: Մինչ օրս Շիրակի մարզպետի պաշտոնը թափուր է: 168.am-ի տեղեկություններով՝ մարզպետի պաշտոնում քննարկվում է Ոստիկանության Շիրակի մարզային վարչության նախկին պետ Արամ Տեր-Թովմասյանի թեկնածության հարցը:
