Սաակաշվիլին իր հայտարարություններով Ադրբեջանում զայրացրել է բոլորին. Բիձինա Իվանիշվիլի
Վրացական «Իմեդի» հեռուստաընկերությանը տված հարցազրույցի ժամանակ Վրաստանի վարչապետ Բիձինա Իվանիշվիլին հայտարարել է, որ նախագահ Միխեիլ Սաակաշվիլին իր հայտարարություններով Ադրբեջանում զայրացրել է բոլորին.
«Սաակաշվիլիի հետ հանդիպման ժամանակ ես նրան առաջարկեցի հրապարակավ ներողություն խնդրել սեփական հայտարարությունների համար, սակայն նա հրաժարվեց անել դա: Նա նախկինի նման վստահ է, որ արել է շատ ուժեղ հայտարարություն: Հարևան երկրների հանդեպ անհրաժեշտ է ցուցաբերել առավելագույն հարգանք ու կոռեկտություն»:
Իվանիշվիլին հավելել է, որ իրենք անում են ամեն ինչ Ռուսաստանի հետ հարաբերությունների կարգավորման համար՝ չնայած նրան, որ դա զայրացնում է Սաակաշվիլիին:
