Ադրբեջանի խորհրդարանի նախագահը մեկնաբանել է Սարգսյանին Գյուլի շնորհավորելը
Ադրբեջանական Trend լրատվական գործակալության փոխանցմամբ՝ Ադրբեջանում չեն դադարում դատապարտել Թուրքիայի նախագահ Աբդուլլահ Գյուլին՝ ՀՀ նախագահի պաշտոնում վերընտրվելու կապակցությամբ Սերժ Սարգսյանին շնորհավորելու համար:
Ադրբեջանի նախագահի աշխատակազմի արտաքին կապերի բաժնի պետ Նովրուզ Մամեդովից և իշխող «Ենի Ազերբայջան» կուսակցության (ԵԱԿ) գործադիր քարտուղարի տեղակալ, պատգամավոր Մուբարիզ Գուրբանլըից հետո տվյալ հարցին անդրադարձել է Ադրբեջանի խորհրդարանի նախագահ Օգտայ Ասադովը, ով խորհրդարանի լիագումար նիստում հայտարարել է.
«Կարծիք է հնչեցվում, թե շնորհավորական ուղերձն ուղարկվել է որպես քաղաքավարության նշան: Սակայն անհրաժեշտ է ուշադրություն դարձնել նրան, որ որքան էլ քաղաքավարության նշաններ հասցեագրվեն Հայաստանին, նա դրանք ծառայեցնում է այլ նպատակներից: Պետք չէ սրել այդ հարցը: Անհրաժեշտ է հարցին նայել այլ ռակուրսից:
Միջազգային կառույցները պետք է ավելի ուշադիր և զգուշավոր գործեին, քանի որ Հայաստանում վերջնական արդյունքները դեռ չհրապարակած՝ նրանք այդ ընտրությունները գնահատեղին որպես արդար և ժողովրդավարական»:
