Ferrari-ի նոր սուպերմեքենան՝ 950 ձիուժով և 1.2 միլիոն եվրո արժեքով
Ժնևի ավտոսալոնում, որը մեկնարկելու է 2013 թվականի մարտին, իտալական Ferrari-ն կներկայացնի սուպերմեքենայի իր նոր մոդելը։ Մեքենան ինժեներների կողմից «նվեր» է ստացել 950 ձիաուժ հզորությամբ շարժիչ։
Ինչպես տեղեկացնում է Автовести.Ру-ն, Ferrari F150 մեքենան զինված կլինի V-աձև 12-մխոցային շարժիչով։ Լրացուցիչ 150 ձիաուժը կապահովվի կինետիկ էներգիայի ռեկուպերացիայի համակարգի շնորհիվ։ Այդ համակարգը կիրառվում է նաև «Ֆորմուլա-1»-ի բոլիդների վրա։ 100 կմ/ժ արագություն նոր մեքենան զարգացնում է ընդամենը 3 վայրկյանում, իսկ առավելագույն արագությունը կազմում է 370 կմ/ժ։
Բրենդի տերերն այս մեքենայի համար պահանջում են 1.2 միլիոն եվրո։
