Րաֆֆի Հովհաննիսյանը խոստանում է ընտրվելու դեպքում Սերժ Սարգսյանին չազատել Շախմատի ֆեդերացիայի նախագահի պաշտոնից (տեսանյութ)
ՀՀ նախագահի թեկնածու Րաֆֆի Հովհաննիսյանն այսօր իր նախընտրական քարոզարշավի շրջանակներում այցելեց Շախմատի տուն:
168.am-ի հարցին, թե նախագահ դառնալու դեպքում՝ ո՞ր սպորտաձևը կզարգացնեք՝ հաշվի առնելով, որ ՀՀ գործող նախագահը Շախմատի ֆեդերացիայի նախագահն է, Ր.Հովհաննիսյանը պատասխանեց, որ ինքն ընդհանրապես դեմ է, երբ երկրի նախագահը ղեկավարում է ֆերեդացիան:
Մեզ հետ զրույցում՝ Րաֆֆի Հովհաննիսյանն ասաց, որ ընտրվելու դեպքում ինքը գործող նախագահ Սերժ Սարգսյանին չի ազատի Շախմատի ֆեդերացիայի նախագահի պաշտոնից: Նա նաև նշեց, որ եթե նախագահ դառնա, ապա ինքը կամովին կհրաժարվի Երևանի պետական համալսարանի հոգաբարձուների խորհրդի նախագահի պաշտոնից:
Մանրամասն՝ 168.am-ի տեսանյութում:
