Սաստիկ բքից հետո Սարավանի լեռնանցքը կրկին բացվել է
Հայաստանի Հանրապետության տրանսպորտի և կապի նախարարությունը տեղեկացնում է, որ հունվարի 9-ին, ժամը 12.00-ի դրությամբ՝ Սյունիքի մարզը սպասարկող Սարավանի լեռնանցքը բաց է։
Անվտանգ երթեւեկությունն ապահովելու նպատակով ավտոճանապարհներին իրականացվում են մաքրման, աղով ու ավազով մշակման աշխատանքներ: Նշենք, որ ժամը 11.30-ի դրությամբ, սաստիկ բքի և տեսանելիության բացակայության պատճառով Սարավանի լեռնանցքը ժամանակավորապես փակվել էր:
ՀՀ տրանսպորտի և կապի նախարարությունը վարորդներին խորհուրդ է տալիս երթևեկել ձմեռային անվադողերով:
