Ավան-Առինջում 39-ամյա տղամարդ է ինքնասպան եղել
Հունվարի 4-ին, ինքնասպանություն է տեղի ունեցել Կոտայքի մարզում: Ժամը 23:00-ի սահմաններում Ոստիկանության Կոտայքի բաժին ահազանգ է ստացվել, որ Ավան-Առինջում գտնվող Աբովյան թաղամասի տներից մեկի բակում մի քաղաքացի ինքնասպանություն է գործել: Այս մասին հաղորդում է shamshyan.com կայքը:
Ֆոտոլրագրող Գագիկ Շամշյանը հայտնում է, որ բակում հայտնաբերվել է 39-ամյա Ռ. Սիմյոնովի դին: Հարևանները պատմել են, որ ինքնասպանություն գործած տղամարդը աշխատելուց է եղել Ռուդոլֆ Մկրտչյանի տանը` իր ընկերոջ հետ, և երբ դիմել է այդ քայլին, ընկերը քնած է եղել: Ըստ հարևանների, Ռ. Սիմյոնովը մանկատան երեխա է եղել:
Փաստի առթիվ Ոստիկանության քննչական գլխավոր վարչության Կոտայքի մարզի քննչական բաժնի Կոտայքի քննչական բաժանմունքում նյութեր են նախապատրաստվում. հանգամանքները պարզվում են:
