Երբեք չեմ խաղա Ռեալի դեմ. Իկեր Կասիլյաս
Մադրիդի «Ռեալի» և Իսպանիայի հավաքականի դարպասապահ Իկեր Կասիլյասը հայտարարել է, որ կհեռանա երկրից, եթե ստիպված լինի լքել արքայական ակումբը:
«Եթե ինձ վիճակված է խաղալ այլ ակումբում, ապա ես կհեռանամ Իսպանիայից և Եվրոպայից: Չեմ ցանկանում խաղադաշտ դուրս գալ «Ռեալի» դեմ: Օրինակ, ինձ շատ է գրավում ԱՄՆ-ն: Սակայն կցանկանայի կարիերաս ավարտել Մադրիդում», – Կասիլյասի խոսքերը մեջբերում է AS-ը:
Նշենք, որ 31-ամյա Կասիլյասը «Ռեալի» սան է: Նա արքայական ակումբի կազմում անցկացրել է 472 խաղ:
Մարզական լրահոսն ապահովում է SportArmenia.com-ը
