ՍԴ-ից Սաֆարյանին ասել են՝ վաղն արի
«Ժառանգություն» կուսակցության գլխավոր քարտուղար Ստյոպա Սաֆայանը ֆեյսբուքյան իր էջում անդրադարձել է դեկտեմբերի 2-ին թիվ 1 ընտրատարածքում կայացած ԱԺ լրացուցիչ ընտրությունների արդյունքների վերաբերյալ ՍԴ դիմելու իր որոշմանը:
«Նախկինում տեղեկացրել էի, որ այսօր՝ դեկտեմբերի 11-ին, Սահմանադրական դատարան եմ ներկայացնելու թիվ 1 ընտրատարածքում ընտրությունների արդյունքներն անվավեր ճանաչելու մասին դիմումս:
Իմ և այլ իրավաբանների հաշվարկով պետք է որ դեկտեմբերի 11-ը լիներ ընտրությունների արդյունքների հրապարակմանը (դեկտեմբերի 7-ին է թիվ 1 ԸԸՀ-ն հրապարակել որոշումը և հաշվարկը կատարել էին այդ օրը ներառած) հաջորդած 5-րդ օրը: Սակայն ՍԴ-ում ասացին, որ խոսքը վերաբերում է այդ օրվան հաջորդող օրվանից հաշված 5-րդ օրվան, ինչին համապատասխան էլ դիմումը կընդունվի դեկտեմբերի 12-ին:
Այսպիսով՝ դիմումը ՍԴ կհանձնվի դեկտեմբերի 12-ին, հետևաբար` դրա տեքստը նույնպես կտարածվի այդ օրը»,- գրել է Սաֆարյանը:
