Սնեյդերին կարող են փոխանակել Պաստորեի հետ
ՊՍԺ-ն և «Ինտերը» ձմռանը կարող են փոխանակություն անել։ Այսպես, հոլանդացի կիսապաշտպան Ուեսլի Սնեյդերը կարող է տեղափոխվել Փարիզ, իսկ արգենտինացի կիսապաշտպան Խավիեր Պաստորեն՝ Միլան։
Հիշեցնենք, որ Սնեյդերը լուրջ խնդիրներ ունի իր ներկայիս ակումբի ղեկավարության հետ։ Ըստ FIFPro կազմակերպության՝ Սնեյդերը խաղադաշտ դուրս չի գալիս «Ինտերի» ղեկավարության որոշմամբ, որպեսզի նրան ստիպեն ավելի ցածր աշխատավարձով պայմանագիր կնքել: Իսկ ինչ վերաբերում է Պաստորեին, ապա նա կորցրել է տեղը թիմի մեկնարկային կազմում։
Մարզական լրահոսն ապահովում է SportArmenia.com-ը
