Այսօր Գագիկ Ծառուկյանը կհանդիպի Սերժ Սարգսյանին
ԲՀԿ մամուլի խոսնակ Իվետա Տոնոյանը երեկ 168.am-ին ասել էր, որ ԲՀԿ ղեկավար Գագիկ Ծառուկյանն առաջիկա նախագահական ընտրություններում իր մասնակցության ձևի մասին կհայտնի դեկտեմբերի 1-5-ը: Մեր ունեցած տեղեկություններով՝ արդեն այսօր Գագիկ Ծառուկյանն իր դիրքորոշումը կներկայացնի ՀՀ նախագահ Սերժ Սարգսյանին, նրա հետ անձնական հանդիպման ժամանակ, իսկ դեկտեմբերի 1-5-ն այդ մասին կտեղեկացվի հասարակությանը: Այս տեղեկության վերաբերյալ մեկնաբանություն ստանալու համար Իվետա Տոնոյանի հետ կապ հաստատելու մեր փորձերն անհաջողության մատնվեցին:
