Երեխաների թունավորման պատճառը մանկապարտեզի սանիտարահիգիենիկ կանոնների և հակահամաճարակային ռեժիմի խախտումն են
Արարատի մարզի մանկապարտեզում արձանագրված սննդային թունավորման դեպքի կապակցությամբ իրականացվել են լաբորատոր հետազոտություններ, որի արդյունքում պարզվել է, որ շրջակա միջավայրից վերցված լվացուկներում հայտնաբերվել են աղիքային ցուպիկի խմբի մանրէներ և ոսկեգույն ստաֆիլակոկ: Սննդամթերքում ևս հայտնաբերվել են աղիքային ցուպիկի խմբի մանրէներ:
Այս մասին 168.am-ին տեղեկացրեցին ՀՀ առողջապահության նախարարությունից:
Լաբորատոր շեղումների տվյալները ցույց են տվել, որ երեխաների մոտ սննդային թունավորումն առաջացել է մանկապարտեզում սանիտարահիգիենիկ կանոնների և հակահամաճարակային ռեժիմի խախտման հետևանքով առաջացած երկրորդային մանրէային աղտոտվածության արդյունքում:
Հիշեցնենք, որ նոյեմբերի 6-ին Արարատի մարզի Արարատ գյուղի մանկապարտեզից սննդային թունավորման ախտանշաններով հիվանդանոց էր տեղափոխվել 13 երեխա:
