Մսամթերքի էժանացումը սեզոնային բնույթ է կրում
Մսամթերքի գների նվազումը կապված չէ տարածաշրջանում տարածված սիբիրախտ հիվանդության հետ: Այս մասին այսօր 168.am-ի հետ զրույցում ասաց ՀՀ գյուղնախարարի առաջին տեղակալ Գրիշա Բաղյանը:
«Սա սովորական երևույթ է: Մսամթերքի գների նվազումը կապ չունի հիվանդության հետ: Գները կնվազեն մինչ նոր տարվա շեմը, ապա սովորականի նման կրկին կթանկանան»:
168.am-ի հարցին` արդյոք սիբիրախտ հիվանդությամբ վարակված մսամթերքն այսօր կարո՞ղ է հայտնվել հայաստանյան սպառողի սեղանին դրսի շուկայից, Գրիշա Բաղյանը պատասխանեց. «Այսօր նման տվյալներ չկան: Դա պարզելու համար` խորը հետազոտություն է անհրաժեշտ: Սակայն, չեմ կարծում, որ նման բան կարող է լինել»:
