«Հայաստան» համահայկական հիմնադրամը սիրիահայերին օգնելու նպատակով բանկային հաշվեհամար է բացել
Հայաստանի Հանրապետության նախագահ, «Հայաստան» համահայկական հիմնադրամի հոգաբարձուների խորհրդի նախագահ Սերժ Սարգսյանի առաջարկով Հիմնադրամի հոգաբարձուների խորհրդի նախագահությունը որոշում է կայացրել բացել դրամային և արտարժութային բանկային հաշիվներ սիրիահայությանն օժանդակելու նպատակով:
Ինչպես տեղեկացնում են հիմնադրամի լրատվական ծառայությունից, այս նախաձեռնությունը հնարավորություն կտա կանոնակարգել Սիրիայում ստեղծված իրավիճակի կապակցությամբ տարբեր երկրներում անցկացվող դրամահավաքները և վերահսկել գործընթացը:
Սիրիայի հայ համայնքի ազգային իշխանության համակարգող մարմինը կտնօրինի և ըստ նպատակահարմարության կօգտագործի հավաքագրված գումարները: Խնդրին առնչվող հարցերով մեր հայրենակիցները կարող են դիմել նաեւ ՀՀ սփյուռքի նախարարություն:
Ստորև նշվում են հաշվեհամարները`
HSBC Bank Armenia
9, V. Sargsyan Str. Yerevan Armenia
SWIFT: MIDLAM22
001-002195-102 (USD)
001-002195-104 (EUR)
001-002195-001 (AMD)
Սիրիահայերի օժանդակության խնդիրների հետ կապված բոլոր հարցերով կարող եք դիմել ՀՀ սփյուռքի նախարարություն +374 10 58 56 01 /107/, ինչպես նաև զանգահարել «Հայաստան» համահայկական հիմնադրամ +374 10 56 01 06 /105/ հեռախոսահամարներով:
