Apple-ն առցանց ռադիո կգործարկի
Apple ընկերությունն 2013թ. առաջին եռամսյակում առցանց ռադիո կգործարկի: Այս մասին հայտնում է Bloomberg գործակալությունը՝ հղում անելով ընկերության մոտ կանգնած իր աղբյուրներին:
Ըստ տեղեկատվության՝ ներկայում ընկերությունն այդ ուղղությամբ բանակցություններ է վարում ձայնագրող ընկերությունների հետ: Հնարավոր համաձայնությունը հավանաբար ձեռք կբերվի արդեն նոյեմբեր ամսվա կեսերին:
Նշվում է, որ ծառայությունը հասանելի կլինի iPhone-ի, iPad-ի և Mac համակարգիչների միջոցով:
