Օտարերկրացին կարող է կապ հաստատել իր պետության դեսպանության հետ
Օտարերկրյա քաղաքացի դատապարտյալն իրավունք ունի՞ կապեր հաստատելու ՀՀ-ում իր պետության դիվանագիտական ներկայացուցչության կամ հյուպատոսական հաստատության հետ: Արդյոք նա օգտվու՞մ է որևէ արտոնությունից:
Այս հարցին ին պատասխան, ՀՀ ԱՆ ՔԿՎ կազմ- վերլուծական իրավական և միջազգային հարաբերությունների բաժնի պետի տեղակալ, արդարադատության մայոր Տիգրան Սահակյանը «Փաստինֆոյին» ասել է.
«Օտարերկրյա քաղաքացի դատապարտյալն իրավունք ունի կապեր հաստատել և պահպանել Հայաստանի Հանրապետությունում իր պետության դիվանագիտական ներկայացուցչության կամ հյուպատոսական հաստատության հետ:
Այն դատապարտյալը, ով Հայաստանի Հանրապետությունում դիվանագիտական ներկայացուցչություն կամ հյուպատոսական հաստատություն չունեցող երկրի քաղաքացի է, իրավունք ունի կապեր հաստատել և պահպանել այն պետության դիվանագիտական ներկայացուցչության կամ հյուպատոսական հաստատության հետ, որը ստանձնել է այդ անձանց շահերի պաշտպանությունը կամ նրանց պաշտպանությամբ զբաղվող ցանկացած ազգային կամ միջազգային մարմնի հետ:
Ընդ որում, դա վերաբերվում է նաև փախստական կամ քաղաքացիություն չունեցող դատապարտյալներին»:
