Փլուզումից տուժած 11 բանվորները գտնվում են Գրիգոր Լուսավորիչ հիվանդանոցում. ոչ ոք դուրս չի գրվել հիվանդանոցից (լուսանկարներ)
ԱԻՆ հասարակայնության հետ կապերի վարչության պետ Նիկոլայ Գրիգորյանը 168.am-ի թղթակցին հայտնել էր, թե Խանջյան փողոցում տեղի ունեցած նորակառույց շենքի փլուզման հետևանքով փլատակների տակից դուրս բերված բանվորներից 9-ը դուրս են գրվել հիվանդանոցից:
Սակայն քիչ առաջ Գրիգոր Լուսավորիչ հիվանդանոցի ընդունարանից 168.am-ին տեղեկացրեցին, որ 11 բանվորները, ովքեր դուրս են բերվել փլատակների տակից, գտնվում են իրենց հիվանդանոցում, և այս պահի դրությամբ ոչ ոք դուրս չի գրվել հիվանդանոցից:
Նրանից երկուսի վիճակը գնահատվում է միջին ծանրության, մեկը` թեթև վնասվածքներ է ստացել, իսկ մյուսների վիճակը գնահատվում է կայուն ծանր:
Բոլոր տուժածները ենթարկվում են ռենտգեն ստուգումների: Մանրամասներն ավելի ուշ:
Կիսակառույց շենքի փլուզման դեպքի առթիվ ոստիկանության կենտրոնի քննչական բաժնում հարուցվել է քրեական գործ ՀՀ քրեական օրենսգրքի 157-րդ հոդվածի հատկանիշներով: Կատարվում է դեպքի վայրի զննություն, ստուգվում են շինարարական փաստաթղթերը:
