Երևանում կբացվի Էուջենիո Մոլինարիի անհատական ցուցահանդեսը
Վաղը` հոկտեմբերի 20-ին, Հայաստանի ազգային պատկերասրահում կբացվի իտալացի լուսանկարիչ Էուջենիո Մոլինարիի անհատական ցուցահանդեսը: Հեղինակի աշխատանքներն արդեն ցուցադրվել են Եվրոպայի և Ռուսաստանի մի շարք երկրներում:
Էուջենիո Մոլինարիի աշխատանքները լուսանկարներ են, որոնք ցույց են տալիս հեղինակի ինքնատիպությունն ու մեկ կադրում ամբողջացած տարբեր իրականությունները: Ներկայացվելիք աշխատանքները իտալական բնանկարներ են, կանացի դիմանկարներ ու ֆանտաստիկ պատկերներ, որոնցում ի հայտ է գալիս հեղինակի հուզական աշխարհը: Ցուցահանդեսը բաց կլինի բոլոր այցելուների համար մինչև նոյեմբերի 4-ը:
