Երեխաների 30%-ը սխալ է սնվում
Գիտնականները պնդում են, որ մինչև 3 տարեկան երեխաների 30%-ը տառապում է ավելորդ քաշից ու սակավարյունությունից՝ սխալ սննդի պատճառով: Ինչպես գրում է «Аргументы и Факты»-ն, այս եզրակացությանն են հանգել ռուս գիտնականները: Վերջիններս հետազոտություն են անցկացրել ռուսական 20 մարզերում, որին մասնակցել է 2000 երեխա:
Հետազոտության արդյունքում պարզվել է, որ ներկայումս երեխաների սնուցման հետ կապված գոյություն ունեն հետևյալ միտումները` կրծքով սնուցման ցածր մակարդակ, կովի կաթի ժամանակից շուտ ներմուծում երեխայի սննդակարգ, հատուկ փոքրիկների համար նախատեսված սննդի չափազանց քիչ օգտագործում:
Հետազոտության հեղինակներից մեկը նշել է, որ ներկայումս տարածված է նաև երկաթի անբավարարությունը, ինչն, ըստ նրա, կարող է բացասաբար ազդել ինտելեկտի, հոգեկան զարգացման, հիշողության ու ուշադրության վրա:
