Հիշում եմ առաջին հանդիպումս. Ռոնալդու
Ռոնալդուն իր 100-րդ հանդիպումն է անցկացրել Պորտուգալիայի հավաքականի կազմում: Մադրիդի «Ռեալի» և Պորտուգալիայի հավաքականի առաջատարն այս ցուցանիշին հասել է ընդամենը 9 տարում: Այս ընթացքում նա մասնակցել է Եվրո 2004-ին, 2008-ին, 2012-ին և Աշխարհի 2006, 2010 թվականների առաջնություններին:
«Հիշում եմ առաջին հանդիպումս: Դա եղել է 2003 թվականի օգոստոսի 20-ին, երբ Պորտուգալիայի հավաքականը հանդիպել էր Ղազախստանի ընտրանուն: Դա իմ կյանքի ամենահիշարժան պահերից մեկն էր, որ սկիզբ դրեց հոյակապ ճանապարհորդությանը: Ես հպարտ եմ դրանով և ուզում եմ իմ երախտագիտությունը հայտնել բոլոր նրանց, ովքեր օգնել են ինձ հասնել այս ցուցանիշին»,-ֆուտբոլիստի խոսքերն է փոխանցում ՈւԵՖԱ-ի պաշտոնական կայքը:
Մարզական լրահոսն ապահովում է SportArmenia.com-ը
