Գաֆէսճեան արվեստի կենտրոնը նոր ծրագիր է մեկնարկում
Հոկտեմբերի 18-ին Գաֆէսճեան արվեստի կենտրոնում մեկնարկում է «Իմ երազած Երևանը» նոր կրթական ծրագիրը, որը նախատեսված մինչ 15 տարեկան երեխաների համար: Ծրագիրն իրականացվում է «Երևան. հայացք ապագայից» ցուցահանդեսի շրջանակներում: Ծրագրի առաջին մասում դպրոցականները շրջայց կունենան «Սասունցի Դավիթ» պարտեզի սրահում: Նրանք կծանոթանան «Երևան. հայացք ապագայից» ցուցադրությանը: Ծրագրի երկրորդ մասը կշարունակվի կենտրոնի Ստեղծագործական սրահում: Երեխաներին կտրվեն Երևան քաղաքի հետ կապված հարցեր: Այնուհետև երեխաները կփորձեն պատկերել «իրենց Երևանը»:
«Այս ծրագրի միջոցով երեխաները բացահայտում են հին և նոր Երևանը և ստեղծում իրենց «երազած Երևանի» պատկերը»,- ասում է Գաֆէսճեան արվեստի կենտրոնի տնօրենի ժամանակավոր պաշտոնակատար Վահագն Մարաբյանը:
Ծրագրին մասնակցությունն անվճար է:
