Հայերի սիրելի Վերա Բրեժնևան ամուսնալուծվում է
«Виа Гра» հանրահայտ խմբի նախկին երգչուհի Վերա Բրեժնևան ամուսնալուծվում է: Այդ մասին գրել է ռուսական «Комсомолькая правда» պարբերականը: Ըստ պարբերականի` Բրեժնևան այդ մասին հայտնել է «Руское радио»-ին: «Այո´, դա ճիշտ է»,- ռադիոյի ուղիղ եթերում ասել է Վերա Բրեժնևան, «բայց նոր հարաբերությունների ես դեռ պատրաստ չեմ»:
Վերջին օրերին Վ.Բրեժնևայի մասին խոսելը, թերևս, շատ արդիական և մոդայիկ է դարձել, այդ պատճառով այս լուրը Հայաստանում շատերին կարող է հետաքրքրել:
Հ.Գ. Հայ տղաներին միայն մնում է ափսոսալ, որ նա այդ մասին չի հայտարարել հոկտեմբերի 15-ի` իր երևանյան այցից առաջ:
