Ընտրական գործընթացը նմանվել է շուլերների հետ պոկեր խաղալու գործընթացին. Լ. Զուրաբյան
«Մենք չենք գտնվում կլասիկ ընտրություններ անցկացնելու փուլում: Մենք չունենք թեկնածու, որի հետ պետք է մրցակցենք, մենք մրցակցում ենք ընտրակեղծարար մեքենայի հետ: Ընտրական գործընթացը նմանվել է շուլերների հետ պոկեր խաղալու գործընթացին:Եվ բնական է, որ մենք պետք է մտածենք` ինչպես պետք է բռնենք նրանց ձեռքը»,- այսօրվա ասուլիսում հայտարարել է ՀԱԿ համակարգող Լևոն Զուրաբյանը` հավելելով, թե այս պայմաններում ՀԱԿ-ը կարևորում է Ընտրական օրենսգրքում փոփոխությունների ամրագրումը:
Նրա խոսքով` ՀԱԿ-ը շրջանառության մեջ դնելով ԸՕ փոփոխությունների փաթեթը, ցանկանում է վերացնել մեծամասնական ընտրակարգը և ամբողջությամբ անցում կատարել համամասնական ընտրակարգի, տեսանկարահանել քվեարկության օրվա ամբողջ գործընթացը, տարանջատել բնակչության և ընտրողների ռեգիստրները:
