Օսկանյանն ու ուղտը
Այսօր մամուլի ասուլիսի ժամանակ քաղաքագետ Հմայակ Հովհաննիսյանը կարծիք հայտնեց, որ Վարդան Օսկանյանի համար ճանապարհ է բացվում` դառնալու ընդդիմության միասնական թկնածու` արևմտյան ուժային կենտրոնների խրախուսմամբ, և այս իրավիճակում ԲՀԿ-ն փոխում է իր աշխարհաքաղաքական կողմնորոշումը:
«Մի իրավիճակում, երբ սկվեցին Վարդան Օսկանյանի դեմ հալածանքները, ուղղակի պետք է ուղտ լինել, որպեսզի չհասկանալ, որ դրա արդյունքում Վ.Օսկանյանը «Բարգավաճ Հայաստանի» լուսանցքում գտնվող ինքնուրույն գործչի դերակատարությունից անցում է կատարում դեպի ԲՀԿ-ի փաստացի գաղափարական առաջնորդի դերակատարություն: Մյուս կողմից` պետք է շատ միամիտ լինել, որպեսզի մտածել, որ Օսկանյանի դերի կարևորման արդյունքում ԲՀԿ-ի առաջնորդը չի վերանայի իր աշխարհաքաղաքական նախասիրությունները»,- ասաց նա:
