Շատ նստելը կարող է հիվանդությունների պատճառ դառնալ
Երկար ժամանակ նստած անցկացնելը բացասաբար է ազդում առողջության վրա: Ինչպես հաղորդում է medicaldaily-ին, այս եզրակացությանն են հանգել Մեծ Բրիտանիայի գիտնականները: Հետազոտությանը ներգրավված է եղել 749,577 մարդ: Վերջիններիս առողջությանը հետևելու արդյունքում գիտնականները եզրակացրել են, որ երկար ժամանակ նստած մնալը մեծացնում է դիաբետով, սրտանոթային համակարգի հիվանդություններով հիվանդանալու հավանականությունը: Գիտնականները պնդում են, որ ռիսկի գործոնը մեծ է նաև այն մարդկանց մոտ, ովքեր ֆիզիկական ակտիվություն էին ցուցաբերում:
Գիտնականները զգուշացնում են, որ ռիսկի գործոնը հատկապես մեծ է գրասենյակային աշխատակիցների մոտ: Նաև նշում են, որ չափահաս մարդկանց 50-70%-ն իրենց օրը նստած են անցկացնում կամ աշխատանքի վայրում, կամ հեռուստացույց դիտելիս, կամ էլ ավտոմեքենայում:
