Լոլիկը կանխում է կաթվածը
Լոլիկով հարուստ սննդակարգը կարող է նվազեցնել սրտի կաթվածի հնարավորությունը: Ինչպես հաղորդում է BBC-ին, այս եզրակացությանն են հանգել ֆինն գիտնականները: Հետազոտությունը ներառել է 1,031 տղամարդու: Կաթվածի հավանականությունն առավել քիչ է եղել այն տղամարդկանց մոտ, ում սննդակարգում մեծ տեղ է զբաղեցրել լոլիկը: Գիտնականները դեռևս չեն պարզել երևույթի պատճառը:
Ուսումնասիրությունները տևել են 12 տարի: Դրանց մեջ ներգրավված տղամարդիկ բաժանված են եղել երկու խմբի: 258 տղամարդու շրջանում, ովքեր լոլիկ քիչ էին օգտագործում, կաթվածի դեպքերը 25-ն են եղել: Մյուս 259 տղամարդու շրջանում. ում սննդակարգում մեծապես ներառված է եղել լոլիկը, կաթվածների թիվը 11 է եղել: Ուսումնասիրությունը պնդում է, որ լոլիկը 55%-ով նվազեցնում է կաթվածի հավանականությունը:
