Գազի գնի հարցով բանակցությունները շարունակվում են
ՀՀ վարչապետ Տիգրան Սարգսյանի և ՌԴ տրանսպորտի նախարար Մաքսիմ Սոկոլովի այսօրվա համատեղ ասուլիսում լրագրողները հետաքրքրվել են, թե ինչպիսին է իրավիճակը գազի գնի հնարավոր բարձրացման հարցում։ «Այդ հարցը դիտարկել ենք միջկառավարական հանձնաժողովի նիստում: Բանակցությունները շարունակվում են: Այստեղ են գտնվում «Գազպրոմ»-ի և ՀՀ էներգետիկայի և բնական պաշարների նախարարության ներկայացուցիչները: Մենք դինամիկ առաջ ենք շարժվում այդ հարցում, և վստահ եմ, որ, ինչպես միշտ, կհասնենք բոլորին ձեռնտու պայմանավորվածությունների»,- պատասխանել է Սոկոլովը:
