Apple-ին չհաջողվեց «պահել» 600 միլիարդը
Apple-ի կապիտալիզացիան երկուշբաբթի օրվա բորսայական վաճառքներից հետո իջավ 600 միլիարդ դոլարի նշաձողից։
Չնայած այդ հանգամանքին, Apple-ը շարունակում է մնալ բորսայական կապիտալիզացիայի ծավալներով աշխարհի խոշորագույն ընկերությունը։
Բորսայում ընկերության բաժնետոմսերի գինը երկուշաբթի օրը նվազել է 2.13%-ով։ Անկումը պայմանավորված է այն հանգամանքով, որ iPhone 5 սմարթֆոնների առաջարկը սահմանափակվել է դրանց հավաքմամբ զբողվող չինական Foxconn ընկերության աշխատողների գործադուլի պատճառով։ Աշխատակիցները բողոքում էին որակի հսկողության բաժնի կողմից առաջ քաշված խիստ պահանջների և ճնշումների դեմ։ Ընկերության պատկանող գործարաններում նախկինում նույնպես եղել են նման միջադեպեր։
Նշենք, որ iPhone 5-ի ներկայացման նախաշեմին Apple-ի կապտալիզացիան 644.59 միլիոն դոլար էր, իսկ բաժնետոմսերի գինը գերազանցում էր 700 դոլարը։
