Ֆիզիկայի Նոբելյան մրցանակակիրներն արդեն հայտնի են
Այս տարի ֆիզիկայի Նոբելյան մրցանակակիրներն արդեն հայտնի են: Ստոկհոլմում հայրարարվել են նրանց անունները, պատվավոր մրցանակը այս տարի ստացել են Սերժ Արոշը (Ֆրանսիա) և Դևիդ Ուայլենդը (ԱՄՆ): Այս մասին տեղեկացնում է RBK-ն: Վերոնշյալ երկու գիտնականները լուրջ հաջողությունների են հասել քվանտային ֆիզիկայում և միմյանցից անկախ մշակել են մեթոդներ, որոնք թույլ են տալիս հետևել մասնկիկներին՝ չխառնելով նրանց քվանտային էությունը:Նրանց հայտնագործության շնորհիվ՝ հնարավոր կլինի ստեղծել աշխարհում ամենաճշգրիտ ժամացույցը, ինչպես նաև ամենաարագ քվանտային համակարգիչները:
Տեղեկացնենք, որ Նոբելյան մրցանակը հանձնվում է 1901 թվականից: Մրցանակը տրվում է բժշկության, ֆիզիկայի, քիմիայի, գրականության, տնտեսագիտության և խաղաղության պահպանման ոլորտներում: Ավանդաբար մրցանակների հանձնման արարողությունը տեղի է ունենում Ալֆրեդ Նոբելի մահվան օրը՝ դեկտեմբերի 10-ին:
