ԲՀԿ-ՀՀԿ սրումներն ակնհայտ են
168.am-ի հարցին, թե առաջիկայում հնարավո՞ր է ՀՀԿ-ԲՀԿ համագործակցություն, ԱԺ ՀՅԴ խմբակցության քարտուղար Աղվան Վարդանյանը պատասխանեց. «Կապրենք`կտեսնենք: Երբեք մի’ ասա` երբեք: Ոչինչ բացառել հնարավոր չէ, բայց առնվազն ակնհայտ է, որ հարաբերությունները երկու քաղաքական ուժերի միջև ընդհակառակը` սրվում են, ոչ թե ավելի մերձենում»:
Իսկ ինչ վերաբերում է այն լուրերին, թե երկուշաբթի ԲՀԿ առաջնորդ Գագիկ Ծառուկյանը հայտնելու է իր թեկնածությունն առաջադրելու, կա’մ ՀՀ նախագահ Սերժ Սարգսյանին աջակցելու մասին, ապա Աղվան Վարդանյանն ասաց. «Ես «եթե»-ներով, «թե»-ականներով անորոշ հարցերի չեմ պատասխանում: Կապրենք` կտեսնենք, իրենց որոշելիքն է: Ամեն քաղաքական ուժ ինքն է որոշում»:
