ԱԳՆ-ի շենքի վաճառքը՝ մոտեցո՞ւմ էր
Այսօր ԱԺ ճեպազրույցի ժամանակ ՕԵԿխմբակցության քարտուղար Մհեր Շահգելդյանը` անդրադառնալով երեկ Կառավարությամբ որոշմամբ ԱԳՆ շենքի օտարման մասին որոշմանը՝ նշեց, թե կոնցեպտուալ տեսանկյունից, կարծես թե, քաղաքի կենտրոնը դառնում է ավելի մեծ չափով զբոսաշրջության տեղի:
«Տվյալ դեպքում` որքանո՞վ է վաճառվել, ի՞նչ գնով է վաճառվել, դա բաց է, գումարները բավականաչափ բարձր են Հայաստանի համար, և Երևանի 1 քմ-ի տեսանկյունից: Երևի այսքանը»,- ասաց Մ. Շահգելդյանը: Իսկ հարցին, թե հաջող գործա՞րք եք համարում դա, Մ. Շահգելդյանը պատասխանեց. «Էստեղ հաջողվածի կամ չհաջողվածի խնդիր ես ուղղակի չեմ տեսնում: Սա մոտեցում է, որն իրականացվել է»:
