1000-ից 3300 դոլար՝ նոր կյանք սկսելու համար
ՌԴ կառավարությունը սոցիալական պայմանագրի հիմունքներով 30-100 հազար ռուբլի կտրամադրի դժվարին իրավիճակում հայտնված քաղաքացիներին։ Այս մասին գրում է «Российская газета»-ն` հղում անելով Պետդումայի Աշխատանքի և սոցիալական հարցերով հանձնաժողովի փոխնախագահ Գալինա Կարելովային։
Սոցիալական պայմանագիրը ենթադրում է գումար՝ նոր կյանք սկսելու համար, և այն մշտական սուբսիդիա չէ։ Իր ստորագրությունը դնելով այդ պայմանագրի տակ՝ քաղաքացին պարտավորվում է այդ գումարներն օգտագործել խիստ նպատակային։ Գումարի կոնկրետ չափը որոշելու է տվյալ վարչական շրջանի ղեկավարությունը։
Կարելովայի խոսքերով, պայմանագիրը լինելու է 3-6 ամիս ժամկետով՝ մինչև 1 տարի երկարացնելու հնարավորությամբ։ Գումարը կարող է օգտագործվել մասնագիտական վերապատրաստման, սեփական բիզնես հիմնելու կամ աշխատանք փնտրելու վրա։ Գումարից բացի, քաղաքացին կարող է օգնություն ստանալ նաև ծառայության տեսքով. օրինակ՝ վերանորոգել բնակարանը։
Օրենքի նախագիծն արդեն ընդունվել է առաջին ընթերցմամբ և հաջորդ փուլերն անցնելուց հետո կարող է ուժի մեջ մտնել արդեն հաջորդ տարի։
