Չեխիան հաղթում է Արգենտինային. Դևիսի գավաթի եզրափակիչում՝ Չեխիա – Իսպանիա
Չեխիայի թենիսի հավաքականը, որն այս տարի գտնվում է լավ մարզավիճակում, կարողացավ անակնկալ հաղթանակ տոնել Արգենտինայի նկատմամբ նրա իսկ հարկի տակ և դուրս գալ Դևիսի գավաթի եզրափակիչ։
Այսօր կայացած խաղում չեխերի առաջատար Թոմաշ Բերդիխը 3 սեթում առավելության է հասել վնասվածք ստացած Խուան Մարտին դել Պոտրոյին փոխարինած Կարլոս Բերլոքի նկատմամբ՝ 6։3, 6։3, 6։4։ Այս միավորը թույլ տվեց Չեխիայի հավաքականին անկախ վերջին 5-րդ խաղի արդյունքից անհասանելի դառնալ արգենտինացիների համար։
Եզրափակիչում չեխերը կմրցեն Իսպանիայի հավաքականի հետ, որն առավելության է հասել ամերիկացների նկատմամբ։
Մարզական լրահոսն ապահովում է SportArmenia.com-ը
