Բերեզովսկու լավ խաղն էլ Դինամոյին չփրկեց պարտությունից (տեսանյութ)
Արդեն տեղեկացրել ենք, որ «Դինամոյի» գլխավոր մարզիչ Դան Պետրեսկուն Ռուսաստանի առաջնության 9-րդ տուրի «Ռոստովի» հետ խաղում Հայաստանի հավաքականի դարպասապահ Ռոման Բերեզովսկուն ընդգրկել է թիմի մեկնարկային կազմում:
Քիչ առաջ հանդիպումն ավարտվեց: Թեև Ռոման Բերեզովսկին գերազանց խաղ ցուցադրեց, ընթացիկ առաջնությունն անհաջող մեկնարկած «Դինամոն» նվազագույն հաշվով պարտություն կրեց և վաստակած 3 միավորով շարունակում է եզրափակել մրցաշարային աղյուսակը:
Բերեզովսկին իսկապես լավ խաղաց` մի քանի դեպքում իր թիմին փրկելով վերահաս գոլերից, իսկ բաց թողած գոլում նա մեղք չուներ: Ստորև կարող եք դիտել տեսանյութը և ինքներդ համոզվել դրանում:
Մարզական լրահոսն ապահովում է SportArmenia.com-ը
