Նեյմարը հիասթափված է Բրազիլիայի հավաքականի երկրպագուներից
Բրազիլիայի հավաքականի հարձակվող Նեյմարը քննադատության է ենթարկել թիմի երկրպագուներին, ովքեր ՀԱՀ-ի հետ ընկերական հանդիպման ժամանակ սուլել են սեփական ֆուտբոլիստներին:
«Մենք հասկանում ենք, որ լավագույն ֆուտբոլը չցուցադրեցինք, սակայն մեզ հաջողվեց հաղթել: Հիասթափված եմ երկրպագուների պահվածքից: Կարծում եմ՝ մենք արժանի չէինք երկրպագուների սուլոցներին: Ես չեմ խնդրում երկրպագուներին սիրել ինձ, այլ խնդրում եմ երկրպագել իրենց ազգային հավաքականին», – «Սանթոսի» հարձակվողի խոսքերը մեջբերում է O Globo-ն:
Հիշեցնենք, որ Բրազիլիան կարողացավ միայն նվազագույն հաշվով հաղթել ՀԱՀ-ին: Գոլի հեղինակ դարձավ Հալկը:
Մարզական լրահոսն ապահովում է SportArmenia.com-ը
