Հենրիխ Մխիթարյանի Շախտյորը հաղթում է ուկրաինական կլասիկոյում (տեսանյութ)

Դոնցկի «Շախտյորը» Ուկրաինայի առաջնության կենտրոնական խաղում 3:1 հաշվով վստահ հաղթանակ տարավ Կիևի «Դինամոյի» նկատմամբ և արդեն 6 միավորով է գերազանցում վերջինիս: Հանդիպման 20-րդ րոպեին «հանքափորներին» առաջ մղեց Ալեքսանդր Կուչերը: Առաջին խաղակեսի վերջին րոպեին Յարմոլենկոն խփեց պատասխան գոլը:

Ընդմիջումից հետո Միրչա Լուչեսկուի սաներն ուժեղացրին ճնշումը և 62-րդ րոպեին Կուչերը դուբլ ձևակերպեց` հաշիվը դարձնելով 2:1, իսկ 82-րդ րոպեին Ադրիանոն դրեց հանդիպման վերջակետը` 3:1:

Հայաստանի հավաքականի և «Շախտյորի» առաջատար Հենրիխ Մխիթարյանը մասնակցեց ամբողջ հանդիպմանը: Ուկրաինայի ընթացիկ առաջնության լավագույն ռմբարկուն թեև գոլի հեղինակ չդարձավ, բայց իր ակտիվությամբ խաղադաշտում ոչ ոքի չէր զիջում:

Մարզական լրահոսն ապահովում է SportArmenia.com-ը