Սիրիական առճակատումից տուժել է նաև Հորդանանը
Հորդանանը հայտարարել է, որ սիրիական հրթիռն ընկել է իրենց տարածքում, ինչը Հորդանանի ինքնիշխանության ոտնահարում է. տեղեկացնում է BBC-ն:
Պաշտոնական Ամմանը տեղեկացրել է, որ հրթիռն ընկել է Ռամթա քաղաքի մոտակայքում:
Սիրիական կողմում` Դարաա քաղաքի մոտակայքում մարտեր են ընթացել սիրիական ընդդիմության և կառավարական զորքերի միջև:
Դեռևս հայտնի չէ, թե որ կողմն է հրթիռն արձակել:
Տուժածների մասին տեղեկություններ չկան, սակայն Հորդանանի կառավարության ներկայացուցիչը նշել է, որ միջադեպը, եթե անգամ թյուրիմացաբար է եղել, անընդունելի է:
Սա վերջին օրերին տեղի ունեցած նմանատիպ երկրորդ միջադեպն է:
