«Կինոշոկ» փառատոնում Հայաստանը կներկայացնի Նատալյա Բելյաուսկենեի ֆիլմը
ԱՊՀ եւ բալթյան երկրների «Կինոշոկ» կինոյի փառատոնում Հայաստանը կներկայացնի Նատալյա Բելյաուսկենեի «Եթե բոլորը» ֆիլմը: Ինչպես հաղորդում է «Երկրամաս» թերթը, լիամետրաժ ֆլմերի մրցույթում ներկայացված է 14 աշխատանք:Ժյուրին ղեկավարում է գրող Վլադիմիր Վոյնովիչը: Փառատոնի ծրագիրը հինգ մրցույթ է ներառում` լիամետրաժ եւ կարճամետրաժ ֆիլմերի, մանկական խաղարկային եւ անմիացիոն կինոյի, լիամետրաժ հեռուստատեսային խաղարկային ֆիլմերի եւ թվային կրիչներով ֆիլմերի:
Ինչպես հաղորդում է ԻՏԱՌ-ՏԱՍՍ-ը, մանկական մրցույթի ժյուրիի կազմում ընդգրկված կլինեն դպրոցականներ Անապայից, Տեմրյուկից եւ Նովոռոսիյսկից, իսկ հեռուստատեսային ֆիլմերից լավագույնը կընտրվի հեռուստադիտողի քվեարկության միջոցով:Փառատոնը կանցկացվի սեպտեմբերի 15-23 –ը Անապայում:
