Անզգուշաբար մնացել էր տրակտորի տակ
Օգոստոսի 16-ին հիվանդանոցից ոստիկանության Գյումրիի բաժնում հաղորդում է ստացվել, որ մարմնական վնասվածքներով իրենց մոտ բուժօգնության է տեղափոխվել 79-ամյա մի տղամարդ:
Մեկնած օպերտիվ խմբին տուժողի որդին հայտնել է, որ հայրը վնասվածքներն ստացել է նույն օրը տան մոտ կայանված ամբարձիչ տրակտորը գործարկելիս, երբ տրակտորը հետ է շարժվել, և հայրը մնացել է անիվի տակ:
Ոստիկանությունից հայտնում են, որ կատարվում է նախաքննություն:
