Գազի բալոնի արտահոսքը՝ հրդեհի և այրվածքների պատճառ
ԱԻՆ լրատվական ծառայությունը տեղեկացնում է, որ այսօր՝ օգոստոսի 17-ին, ժամը 09.10-ին տեղեկություն է ստացվել, որ Շիրակի մարզի Ջրառատ գյուղում կենցաղային գազի բալոնից տեղի է ունեցել արտահոսք՝ հրդեհի բռնկումով, ինչի հետևանքով 1968 թ. ծնված Խաչատուր Խաչատրյանը առաջին և երկրորդ կարգի այրվածքներով հոսպիտալացվել է Գյումրի քաղաքի Գյուլբենկյանի անվան բժշկական կենտրոն: Բժիշկները տուժածի առողջական վիճակը գնահատել են միջին ծանրության:
