Անսպասելի այցով Բաքու է ժամանել Ռուսաստանի փոխվարչապետը
Այսօր անսպասելի այցով Բաքու է ժամանել Ռուսաստանի փոխվարչապետ Դմիտրի Ռոգոզինը: Այս մասին տեղեկացնում է «Թուրան» գործակալությունը:
Ռազմարդյունաբերական կոմպլեքսի աշխատանքը համակարգող փոխվարչապետի այցի մասին նախապես որեւէ տեղեկություն հայտնի չի եղել:
Ըստ նույն աղբյուրի, այսօր Ռոգոզինին կընդունի Իլհամ Ալիևը: Ադրբեջանական աղբյուրների փոխանցմամբ, Ռուսաստանի փոխվարչապետի այցի ընթացքում քննարկման հիմնական թեման լինելու է Գաբալային ռադիոլոկացիոն կայանի վարձակալության պայմանագրի հետագա ճակատագիրը:
