Բելառուսի նկատմամբ ԵՄ պատժամիջոցները արդյունք չեն տա. Լավրով
Բելառուսի նկատմամբ ԵՄ պատժամիջոցները արդյունք չեն տա: Այս մասին այսօր, ըստ «ԻՏԱՌ-ՏԱՍՍ»-ի, հայտարարել է Ռուսաստանի ԱԳ նախարար Սերգեյ Լավրովը:
Նախարարի խոսքով՝ Բելառուսի վրա ճնշում գործադրելը նոր երևույթ չէ: «Նախադեպեր եղել են, և ԵՄ-ն գիտակցել է, որ պատժամիջոցներն անհեռանկար են»,- ասել է նա՝ հավելելով, որ Բելառուսի նկատմամբ միակողմանի միջոցներն արդյունք չեն տա:
«Պատժամիջոցներ կարող են լինել միայն ՄԱԿ-ի Անվտանգության խորհրդի թույլտվությամբ»,- նկատել է Լավրովը՝ ավելացնելով, որ այլ ճանապարհ, քան կոլեկտիվ գործողություններն են, չկա:
