Արման Բաբաջանյան. Հրանուշ Հակոբյանը սուտ է խոսում
«Ժամանակ» օրաթերթի գլխավոր խմբագիր Արման Բաբաջանյանն այսօրվա ասուլիսում հայտարարել է, թե ՀՀ սփյուռքի նախարար Հրանուշ Հակոբյանը սխալ տեղեկություններ է տարածում Սիրիայի հայերի վերաբերյալ: Ա. Բաբաջանյանի խոսքով՝ Հ. Հակոբյանը նույնիսկ տեղյակ չէ, թե ինչ է կատարվում Սիրիայում:
Հիշեցնենք, որ Ա. Բաբաջանյանը կիրակի օրն է վերադարձել Սիրիայից:
«Հրանուշ Հակոբյանը սուտ է խոսում, ասելով, թե սիրիահայերը չեն ուզում Հայաստան գալ: Նրանք ուզում են, բայց վախենում են այդ մասին բարձրաձայնել»,- այսօր հայտարարել է Արման Բաբաջանյանը:
Նրա փոխանցմամբ՝ Սիրիայում արդեն հացի խնդիր էլ կա, իսկ առաջիկայում կսկսվի նաև դեղորայքի ճգնաժամը:
