Ղրիմահայերը դեպի Երևան ավտոբուսային երթուղի են ուզում ունենալ
Ղրիմի հայկական միությունը դիմել է Ուկրաինայի տրանսպորտային կոմիտեին` միջնորդելով Սիմֆերոպոլ-Երեւան ավտոբուսային երթուղի բացել:
Դիմումում նշվում է, թե տվյալ երթուղու կազմակերպման անհրաժեշտությունն առաջացել է Սիմֆերոպոլ-Երեւան օդանավերի տոմսերի գնի կտրուկ աճի պատճառով:
Հանրապետական կոմիտեի ղեկավար Նիկոլայ Չերեվկովի խոսքով, առաջարկն արժանի է ուշադրության, քանի որ ընդլայնելու է միջազգային կապերը, նաեւ դրական կազդի պակաս ապահովված քաղաքացիների գրպանի վրա:
Երթուղու բացման հարցը լուծվելու է Ուկրաինայի եւ Հայաստանի համապատասխան նախարարությունների մակարդակով:
