Հովիկ Աբրահամյանը վաճառո՞ւմ է «Ազգային ժողովը» (լուսանկարներ)
168.am-ի աղբյուրների փոխանցմամբ` Ազգային ժողովի նախագահ Հովիկ Աբրահամյանը ցանկանում է վաճառել «Հաղթանակ» զբոսայգու հարևանությամբ գտնվող իր առանձնատունը: Խոսքն այն առանձնատան մասին է, որը կառուցվել էր Հ. Աբրահամյանի ԱԺ նախագահության «առաջին ժամկետում»` խորհրդարանի շենքի նմանությամբ (Քանաքեռ-Զեյթունի բնակիչներն այդ առանձնատունը կատակով անվանում են՝ «Մոնումենտի Ազգային ժողով»):
Մեր տեղեկություններով՝ առանձնատան արժեքը կազմում է 4 միլիոն դոլար, թեև անշարժ գույքի շուկայի փորձագետների գնահատմամբ, իրականում այն կարող է արժենալ 6-7 միլիոն դոլար` հաշվի առնելով, որ առանձնատունը կահավորված է և ունի հսկայական «տնամերձ հողատարածք»: Այս տեղեկությունը Հովիկ Աբրահամյանից ճշտել չհաջողվեց, քանի որ նրա մամուլի խոսնակն արձակուրդում է: Նրա պարզաբանումները կներկայացնենք առաջիկայում:
Լուսանկարներում պատկերված է Հ. Աբրահամյանի առանձնատունը` շինարարական աշխատանքների ժամանակ և աշխատանքների ավարտից հետո:
