Սիրիացի ապստամբները պայթեցրե՞լ են Գլխավոր շտաբը
Սիրիացի ապստամբները Դամասկոսի կենտրոնում պայթեցրել են զինված ուժերի գլխավոր շտաբի շենքը, հայտնում է Al Arabiya-ն:
Լրատվամիջոցի տվյալներով՝ 8 ռումբ է օգտագործվել: Պատասխանատվությունը ստանձնել է Սիրիայի ազատ բանակը, որի ներկայացուցիչ Աբու ալ-Նուրը հեռուստաընկերությանը տեղեկացրել է, որ ամբողջությամբ ավերվել է գլխավոր շտաբի շենքը, որտեղ առավոտյան 150 բարձրաստիճան զինվորական է հավաքվել:
Սիրիական պաշտոնական լրատվամիջոցները նախ չեն հաստատել այս տեղեկությունը, ապա հայտնել, որ վառելիքատար բեռնատար է պայթել:
Առավոտյան պետական ալիքները տեղեկություն էին տարածել Դամասկոսում ՄԱԿ-ի ներկայացուցիչների հյուրանոցի մոտ որոտացած պայթյունի մասին, որի հետևանքով 3 վիրավոր կա:
