Սիրիական սահմանին Թուրքիան ռազմակայան է կառուցում
Թուրքական լրատվամիջոցները հայտնել են, որ «Սազգին» օդանավակայանում, որը գտնվում է թուրք-սիրիական սահմանի մոտ, կառուցվում են ռազմաօդային բազաներ: Այն գտնվում է Գազիանթեփ գավառում՝ Հալեպից 180 կմ հեռու, գրում է Mignews-ը:
Բազայում բացի ռադարային կայանից և պաշտպանական միջոցներից, նաև տեղակայված են մի քանի կործանիչներ և ռազմական բեռնատար օդանավեր:
«Սազգին» օդանավակայանը այն բազան է, որն օգտագործվել է անձնակազմի, տեխնիկայի, զինամթերքի և այլ բեռների փոխադրման համար Իրաք` ամերիկյան ներխուժման ժամանակ:
